افطار سے سحری تک کس چیز کا استعمال زیادہ سے زیادہ کیا جائے ؟ ماہرین نے بتا دیا

iftari menu

افطار سے سحری تک کس چیز کا استعمال زیادہ سے زیادہ کیا جائے ؟ ماہرین نے بتا دیا

اسلام آباد (مانیٹرنگ ڈیسک)رمضان المبارک اس بار گرمیوں کا تحفہ بھی ساتھ لایا ہے ۔ بے انتہا گرمی کے ساتھ ساتھ لوڈ شیڈنگ نے تو عوام کا جینا ہی دوبھر کر دیا ہے ۔ایسی حالت میں طبی ماہرین کے مطابق سحری کے لیے ایسی غذاؤں کا استعمال کیا جانا چاہیے جو دیر تک انرجی فراہم کریں۔دلیا،انڈے ، کھجوریں ، سوکھی خوبانی ، فروٹ سلاد اور سبزیوں کا استعمال روزہ داروں کو دن بھرتوانا رکھتا ہے۔گرم موسم میں پیاس لگتی ہے،اس کے لیے سحری میں پانی ،دہی، دودھ ،لسی اور کھیرے کا استعمال پیاس کی شدت میں کمی کرتا ہے۔

روزے میں باہر نکلنا ضروری ہو تو گرمی کی شدت سے بچنے کیلئے چھتری استعمال کریں ۔افطار کے وقت ٹھنڈے مشروبات ،پانی،پھل جس میں آم ،کیلا ، ،خوبانی ،خربوزے کا زیادہ استعمال کریں تاکہ جسم کو تقویت بھی پہنچے اور پانی کی کمی بھی پوری ہو، چھولے ،چنے اور پھلیوں کا استعمال کریں تاکہ طاقت ملے ،،تلی ہوئی چیزوں سے پرہیز کریں، واضح رہے کے تلی ہوئی چیزوں کے استعمال سے چہرے پر مہاسے نکلنے کا عمل بھی تیز ہو جاتا ہے ۔